phone

Çağrı mərkəzi

954

Hər gün 09:00 - 21 : 00

0

Soyuducu seçərkən nəyə diqqət edilməli?

Enerji sinfi - Məhsulun enerji sinfi nə qədər yüksək olursa, enerji istifadəsinə o qədər qənaət olunacaqdır. F hərfindən A hərfinə qədər sıralanan enerji siniflərində, ən aşağı F, ən yüksək isə A hərfi ilə xarakterizə edilir. A hərfi öz içərisində A+, A++ və A+++ olaraq ayrılır.

Həcm - Soyuducuların istifadə sahəsini işarələyən həcm miqdarı, evinizə çatacaq soyuducuları asanlıqla seçməyə imkan verir.
Brut və Net olaraq ikiyə ayrılmışdır:

Brut həcm - soyuducunun tutduğu yeri ifadə edir.
Net həcm - istifadə edilə bilən sahəni göstərir.

İyonizer - İyonizer texnologiyasına sahib olan soyuducular, bakteriya, virus, kif, göbələk və ya pis qoxuları təsirsiz hala gətirərək yeməklərinizi təmiz mühitdə mühafizə edir. Beləcə, yeməkləriniz daha uzun müddət təzə qalır.


Mavi işıq - Tərəvəz və meyvələrin daha uzun müddət təzəliyini qoruyan "Mavi işıq" texnologiyasına sahib olan soyuducular, təbiətdəki kimi işıq verərək qidaların C vitamini miqdarını qoruyaraq, təravətli qalmasını təmin edir.

Bu xüsusiyyət sayəsində meyvə və tərəvəzləri yeni dərilmiş kimi ən təzə dadıyla yeyə bilərsiniz. NoFrost - Əvvəllər dondurucu qismində yığılan qar və buzlar əllə parçalanaraq yox edilirdi.

NoFrost xüsusiyyətinə sahib olan soyuducular isə bunu ortadan qaldıraraq, qarlanma, buzlanma və tərləməyə mane olur. Bundan əlavə NoFrost soyuducuların soyuq hava feni sayəsində soyutma performansı daha yüksəkdir.

LowFrost - LowFrost texnologiyasında buz formalaşması azdır. Nofrost xüsusiyyətli soyuducularda buzlanma heç  olmazkən LowFrost xüsusiyyətli soyuducularda minimum dərəcədə olur. Cüt qapılı soyuducularda daha seyrək olaraq buz həll əməliyyatına ehtiyac duyulur və bu sayədə enerji istehlakı sabit qalır.

Amma yenə də buz həll edilməsi lazım olsa, soyuducunun döşəməsindəki qapaq sayəsində bu əməliyyat asan və sürətli edilə bilər.

Multi-Airflow Sistemi Multi-Airflow sistemi soyuducunuzun hər hissəsindəki soyuqluğun bərabər dərəcədə paylanmasını təmin edir.
Beləliklə, cihaz içərisində müəyyən olan soyuqluq, məsələn cihazın qapısı bir az açıq qalsa, belə sabit qalar.